Kabhi kabhi mai ye sochne par majboor ho jata hun ki agar ye zindagi aisi nhi hoti to pata nhi kaisi hoti. Aaj mai jaisa hun kya pata kaisa hota agar mai apne aap ko aisa na banata. Aisa banne ke peeche ek karan hai wo hai, wo hai seekh jo hume zindagi k har ek pal se milti hai. Kuch log bina galti kiye hi seekh lete hai dusro se or kuch logo ko galti karne me hi maza aata hai. Jo ek kathan hai ki aap sabko khush nhi rakh sakte use mai hamesha galat saabit karne me juta raha or shayad isliye aaj mere zindagi me mile zadatar log mujhe chahte hai magar mere dimag me hamesha wo log rahe jo mujhe pasand nhi karte, ye meri nadaani samjho ya galti magar un logo ko khush karne me mai bhut kuch apna gawa deta hun or fir yeh sochta hun ki kya wo log meri zindagi me itne mahtwapoorna hai ki mai sab kuch bhul jaun unhe khush karne me fir thak kar ye sochta hun ki ab bhut hua ab nhi karunga ye sab or yeh soch leta hun ki wakai aap sabko khush nhi kar sakte magar fir agle din se wahi koshish chalu kar deta hun. Anta me mujhe yahi samajh me aya ki maine jo zindagi se seekha woh meri fitrat bann gayi or us ko mai nhi badal sakta. Aakhir isi fitrat k karan hi to log mujhe aaj chahte hai, kuch logo ko chod kar. Kabhi unki zindagi bhi unhe yeh samjhayegi ki mai bura nhi tha jis tarah mujhe sikhaya ki sab apni zindagi se kuch na kuch seekh kar aise bane hai jaisa mai bana hun. Isiliye aap sab logo se bhi anyrodh hai ki apni zindagi ko hi kitab banaye or seekhe apne har jiye hue lamhe se kya pata zindagi aapka kab imtihaan le le.
No comments:
Post a Comment